នគរបាលឃាត់ខ្លួនជនសង្ស័យម្នាក់ពាក់ព័ន្ធករណីប្រើប្រាស់គ្រឿងញៀន
24-April-2018 | ដោយ ពលមនសិការ
ភ្នំពេញ ៖ កម្លាំងផ្នែកប្រឆាំងគ្រឿងញៀនសហការជាមួយកម្លាំងសហប៉ុស្តិ៍នៃអធិការដ្ធាននគរបាលខណ្ឌដូនពេញ ឃាត់ខ្លួនជនសង្ស័យម្នាក់ ពីបទប្រើប្រាស់ដោយខុស ច្បាប់នូវសារធាតុញៀន នៅចំណុចផ្លូវR៦ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ នៅថ្ងៃអង្គារ ១០កើត ខែ ពិសាខ ឆ្នាំចសំរឹទ្ធស័ក ព.ស ២៥៦២ ត្រូវនឹងថ្ងៃទី២៤ ខែមេសា ឆ្នាំ២០១៨ វេលាម៉ោង០៤នឹង៣៥នាទី។
លោកវរសេនីយ៍ឯក ហួត ចាន់យ៉ារ៉ាន់ អធិការខណ្ឌដូនពេញបានឱ្យដឹងថាជនសង្ស័យឈ្មោះ លីម គឹមឡៃ ភេទ ប្រុស អាយុ១៨ឆ្នាំ ជនជាតិខ្មែរ មុខរបរកម្មករជាងដែក ស្នាក់ នៅផ្ទះមិនចាំលេខ ផ្លូវលេខ ៣៧១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
វត្ថុតាងដែលត្រូវចាប់យកៈក្រាមពណ៌សថ្លាសង្សយ័ជាគ្រឿងញៀនចំនួនមួយកញ្ចប់តូច, ម៉ូតូមួយគ្រឿងម៉ាកឡែត ពណ៌ទឹកប្រាក់ (បិទពណ៌ក្រហម) ស្លាកលេខភ្នំពេញ 1JV-6411, ទូរស័ព្ទមួយគ្រឿងម៉ាកអាយហ្វូននឹងអត្តសញ្ញាណបណ្ណសញ្ជាតិខ្មែរមួយសន្លឹក។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងបញ្ជូនទៅតុលាការចាត់ការតាមផ្លូវច្បាប់៕
ចំនួនអ្នកទស្សនា
- ថ្ងៃនេះ1411
- ម្សិលមិញ10851
- សប្តាហ៍នេះ67931
- ខែនេះ183081
- ឆ្នាំនេះ183081
- សរុប20625537